GM lokar Bakkakotsvelli fyrir veturinn á miðvikudag

Í tilkynningu Golfklúbbs Mosfellsbæjar á Facebook segir að mikið hafi rignt undanfarið og völlurinn sé orðinn mjög blautur. Hann þurfi tíma til að jafna sig áður en vetur gengur í garð og verði því lokað frá og með miðvikudeginum 14. október. Aðsókn að Bakkakoti hafi verið mikil í allt sumar og völlurinn í afbragðsstandi.

Kylfingar með aukaaðild eða hálfa aðild að GM geta nú bókað rástíma á Hlíðavelli án endurgjalds, en hann er aðeins opinn félagsmönnum klúbbsins.