Sama golfúrið kostar nærri 12.000 krónum meira í einni verslun en annarri

Golfið hefur bætt nýjum samanburði við vefinn: Golfbúnaður, þar sem verð á sömu vöru í ólíkum golfverslunum er sýnt hlið við hlið. Þar eru bornar saman vörur sem fást í minnst tveimur af fimm verslunum.

Mestur er munurinn á Garmin-úrunum. Approach S50 kostar 72.995 krónur hjá ELKO en 84.900 krónur hjá Golfskálanum, og Approach S44 kostar 54.995 krónur hjá ELKO en 64.900 krónur hjá Golfskálanum.

Á dræverum og kerrum munar minna. Ping G440 K kostar frá 102.900 krónum hjá Golfkylfum.is upp í 109.990 krónur hjá Erninum og Clicgear 4.5-kerran frá 52.990 krónum hjá Golfbúðinni upp í 57.990 krónur hjá Erninum. Askja með þremur Pro V1-boltum kostar 2.700 krónur hjá Golfskálanum, 2.990 krónur hjá Erninum og 3.090 krónur hjá Golfbúðinni, en tylftin 10.990 krónur hjá Golfbúðinni og 11.800 krónur hjá Golfkylfum.is.

Verðin eru eins og verslanirnar birta þau á vefnum. Tilboð og verð í verslun geta verið önnur og lagerstaða breytist hratt. Golfverslanir sem vantar á listann geta sent okkur póst á ritstjorn@golfid.is.

Skoða allan samanburðinn