Nesklúbburinn skipar nýja barna- og unglinganefnd

Í nefndinni sitja Arnar Þorkelsson, Elín Jónsdóttir, Fríður Skeggjadóttir og Þóra Sif Friðriksdóttir. Hún á meðal annars að skipuleggja viðburði, sjá um fjáröflun og aðstoða við mótahald og keppnis- og æfingaferðir. Þá á hún að fá fleiri foreldra og sjálfboðaliða til starfa.

Samkvæmt Facebook-síðu Nesklúbbsins hefur iðkendum fjölgað undanfarin ár og verkefnin hafa orðið fleiri og umfangsmeiri. Nefndin á því að hafa víðtækara hlutverk en hefðbundið foreldraráð.

Í vetur býður klúbburinn einnig upp á Stubbagolf fyrir börn fædd 2021 og 2022. Fyrsta námskeiðið hefst 31. október.