Subash Tamang verður fyrsti Nepalinn á DP World Tour

Rástími Tamangs er kl. 02:25 aðfaranótt fimmtudags að íslenskum tíma. Nepal verður um leið 120. þjóðin sem átt hefur keppanda á mótaröðinni frá 1972, að sögn DP World Tour. Fyrr á tímabilinu léku þar í fyrsta sinn kylfingar frá Rúanda, Búlgaríu og Dóminíska lýðveldinu.

Í Nepal eru aðeins sjö golfvellir. Tamang kynntist golfinu hjá Royal Nepal Golf Club í Katmandú, þar sem hann starfaði í fyrstu við að fylgjast með því hvar boltar kylfinga lentu áður en hann fór sjálfur að slá. Hann varð fyrstur Nepala til að komast í hóp 100 efstu á heimslista áhugakylfinga og hefur níu sinnum lent í einu af tíu efstu sætunum á indversku mótaröðinni PGTI á síðustu þremur tímabilum. Á heimslista atvinnukylfinga er hann í 1.716. sæti.