Torres lék á 62 höggum og er með þriggja högga forystu á Hainan

Joseba Torres, 24 ára, fékk tíu fugla og engan skolla á Luhuitou-vellinum í Sanya á fimmtudag, í fyrsta móti sínu í Kína. Hann hóf leik á 10. teig og náði fimm fuglum í röð, frá 17. holu til 3. holu. Fjórir eru jafnir í 2. sæti á sjö höggum undir pari: Tapio Pulkkanen, Justin Harding, Mingrui Ma og Callum Farr.

Torres komst inn í mótið eftir að hafa lent í 16. sæti í Abu Dhabi í síðustu viku og fór við það upp í 64. sæti stigalistans. Samkvæmt spænskum fjölmiðlum þarf hann að fara upp um 19 sæti næstu tvær vikurnar til að komast á lokamótið á Mallorca.

Torres hefur leik á öðrum hring kl. 00:20 að íslenskum tíma aðfaranótt föstudags.