Golfveður í dag

Hvernig er einkunnin reiknuð?

Við sækjum klukkustundarspá fyrir næsta nágrenni hvers vallar. Fyrir hverja klukkustund í dagsbirtu, frá kl. 7 til 22, byrjar einkunnin í 10 og dregið er frá fyrir vind, vindhviður, úrkomu og kulda. Einkunn vallarins er meðaltal bestu þriggja samfelldu klukkustundanna, og sá tími birtist sem „besti tíminn“ í töflunni.

Hvað er gott golfveður?

Vindurinn skiptir mestu máli á Íslandi. Upp að 3 m/s hefur hann engin áhrif á einkunnina, við 6 m/s lækkar hún um tæp tvö stig og við 10 m/s um nær sex. Miklar hviður umfram meðalvind draga líka niður. Úrkoma kostar eitt og hálft stig eða meira og kuldi undir 8 stigum dregur smám saman frá. Snjókoma og þrumuveður lækka einkunnina mest.

• 8–10 Frábær golfdagur
• 6–8 Gott golfveður
• 4–6 Vel spilanlegt
• 2–4 Fyrir harðjaxla
• 0–2 Dagur í golfherminum

Golfveður á haustin og veturna

Margir vellir loka á haustin eða færa leik yfir á vetrarflatir. Hvaða vellir eru opnir kemur fram á síðunni um golfvellina, samkvæmt tilkynningum klúbbanna. Þegar veðrið bregst er hægt að slá inni: verð og opnunartími allra golfherma landsins eru á síðunni um golfherma.