Saudi International frestað og fjórir Íslendingar á lokahring

Dagbjartur Sigurbrandsson fékk fugla á tveimur fyrstu holunum á lokahring Road to Europe Final, lokamóts Nordic Golf League í Álaborg, og var um kl. 8 í morgun í 6. sæti á fjórum höggum undir pari. Jerry Ji frá Hollandi var efstur á átta undir pari fyrir lokahringinn. Hlynur Bergsson lék 3. holuna, par 5, á níu höggum og var á fimm yfir pari eftir fjórar holur.

Á sama tíma hafði Hulda Clara Gestsdóttir leikið fyrstu sex holurnar á lokahring Calatayud Ladies Open á einu höggi yfir pari og var jöfn í 27. sæti á tveimur undir. Hún er í 8. sæti stigalista LET Access, 32,5 stigum á eftir Theresu De Bochdanovits, sem situr í 7. sætinu, því síðasta sem gefur keppnisrétt á LET-mótaröðinni. De Bochdanovits var á fimm undir pari. Andrea Bergsdóttir var á einu undir pari. Staða afrekskylfinganna

Saudi International, sem átti að fara fram í Ríad í nóvember, hefur verið frestað, en borgin hefur sætt árásum Húta síðustu daga. DP World Tour ætlar enn að halda lokamót sín í Abu Dhabi og Dúbaí.

• Todd Clements frá Englandi var efstur á átta undir pari þegar hann hafði leikið átta holur á öðrum hring DP World India Championship í Delí. Rory McIlroy og Tommy Fleetwood eru á tveimur undir og hefja annan hring síðar í dag.
• Hye-Jin Choi lék fyrstu 17 holurnar á öðrum hring Buick LPGA Shanghai á tveimur yfir pari og er enn efst, á sex undir, tveimur höggum á undan Amy Yang og Grace Kim.
• Golfklúbbur Mosfellsbæjar hélt uppskeruhátíð barna- og unglingastarfs síns á þriðjudag. Þangað mættu 110 iðkendur. Æfingar hefjast aftur 3. nóvember.