Síðasti hringurinn leikinn á Dauphin Highlands – gagnaver tekur við

Dauphin Highlands var almenningsvöllur rétt utan við Harrisburg, höfuðborg Pennsylvaníu. Bill Love hannaði völlinn á um 92 hekturum með útsýni yfir Susquehanna-fljótið og var hann opnaður í byrjun september 1995. Stálfyrirtækið Bethlehem Steel hafði áður notað landið sem afdrep fyrir stjórnendur sína en seldi það sýslunni árið 1992. Golffyrirtækið Troon sá um reksturinn og á vellinum voru leiknir um 50.000 hringir á ári.

Kaupandinn er Harrisburg I, félag í eigu fasteignafyrirtækisins Provident Realty í Texas. Þar á að rísa um 37.000 fermetra gagnaver sem kosta á um 10 milljarða dala. Tilraunaboranir eru hafnar en sjálfar framkvæmdirnar hefjast ekki fyrr en á næsta ári.

Söluverðið er um tífalt fasteignamat landsins. Sýslan segir völlinn hafa verið rekinn með tapi og að á honum hafi hvílt 13 milljóna dala skuld. Í samningnum var tryggt að leikið yrði út tímabilið 2026, sem lauk á mánudag.

Provident Realty hætti við áform um 1,3 milljarða dala gagnaver á lóð Brassie-vallarins í Indiana eftir mótmæli íbúa. Vellinum hafði verið lokað árið 2021. Í York-sýslu, skammt frá Harrisburg, samþykktu sveitaryfirvöld í fyrra skipulagsbreytingu sem heimilar gagnaver á landi Briarwood-golfklúbbsins.