Eldingar stöðvuðu leik á DP World India Championship

Mótsstjórnin í Delí stöðvaði leik kl. 11:04 að staðartíma (05:34 að íslenskum tíma) vegna eldinga yfir Delhi Golf Club. Þá áttu 72 kylfingar af 144 eftir að hefja leik, þeirra á meðal Patrick Reed og Anirban Lahiri. Tom McKibbin frá Norður-Írlandi og Eugenio Chacarra frá Spáni voru efstir á fimm höggum undir pari. Robert MacIntyre var höggi á eftir þeim að loknum 14 holum, Tommy Fleetwood á þremur undir pari og Rory McIlroy á tveimur. Subash Tamang, fyrsti Nepalinn á mótaröðinni, var átta höggum yfir pari eftir 11 holur.

Á Calatayud Ladies Open á Spáni er Andrea Bergsdóttir jöfn í 9. sæti á þremur undir pari og fer af 10. teig kl. 07:45. Hulda Clara Gestsdóttir er jöfn í 15. sæti á tveimur undir pari og fer út kl. 07:00. Ragnhildur Kristinsdóttir er á pari. Á lokamóti Nordic Golf League í Álaborg hefur Dagbjartur Sigurbrandsson annan hring kl. 07:55 og Hlynur Bergsson kl. 09:01. Rástímar og staða afrekskylfinganna

• Nesklúbburinn heldur í vetur í fyrsta sinn golfnámskeið fyrir leikskólabörn á Nesvöllum.
• Á Buick LPGA Shanghai var Hye-Jin Choi frá Suður-Kóreu á átta undir pari eftir 15 holur, fjórum höggum á undan Jeeno Thitikul, sem á titil að verja.
• Haraldur Franklín Magnús var varamaður á Hangzhou Open á HotelPlanner-mótaröðinni og komst ekki inn í mótið, sem hófst í nótt.